Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 52023AP0395

P9_TA(2023)0395 — Sistema tar-riżorsi proprji tal-Unjoni Ewropea — Riżoluzzjoni leġiżlattiva tal-Parlament Ewropew tad-9 ta’ Novembru 2023 dwar il-proposta għal deċiżjoni tal-Kunsill li temenda d-Deċiżjoni (UE, Euratom) 2020/2053 dwar is-sistema tar-riżorsi proprji tal-Unjoni Ewropea (COM(2023)0331 – C9-0211/2023 – 2021/0430(CNS)) (Proċedura leġiżlattiva speċjali – konsultazzjoni)

ĠU C, C/2024/2857, 8.5.2024, ELI: http://data.europa.eu/eli/C/2024/2857/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

ELI: http://data.europa.eu/eli/C/2024/2857/oj

European flag

Il-Ġurnal Uffiċjali
ta'l-Unjoni Ewropea

MT

Is-serje C

C/2024/2857

8.5.2024

P9_TA(2023)0395

Sistema tar-riżorsi proprji tal-Unjoni Ewropea

Riżoluzzjoni leġiżlattiva tal-Parlament Ewropew tad-9 ta’ Novembru 2023 dwar il-proposta għal deċiżjoni tal-Kunsill li temenda d-Deċiżjoni (UE, Euratom) 2020/2053 dwar is-sistema tar-riżorsi proprji tal-Unjoni Ewropea (COM(2023)0331 – C9-0211/2023 – 2021/0430(CNS))

(Proċedura leġiżlattiva speċjali – konsultazzjoni)

(C/2024/2857)

Il-Parlament Ewropew,

—

wara li kkunsidra l-proposta tal-Kummissjoni lill-Kunsill (COM(2021)0570) u l-proposta emendata (COM(2023)0331),

—

wara li kkunsidra l-Artikolu 311, it-tielet paragrafu, tat-Trattat dwar il-Funzjonament tal-Unjoni Ewropea u l-Artikolu 106a tat-Trattat li jistabbilixxi l-Komunità Ewropea għall-Enerġija Atomika, skont liema artikoli ġie kkonsultat mill-Kunsill (C9-0211/2023),

—

wara li kkunsidra l-Ftehim Interistituzzjonali bejn il-Parlament Ewropew, il-Kunsill u l-Kummissjoni Ewropea tas-16 ta’ Diċembru 2020 dwar dixxiplina baġitarja, dwar kooperazzjoni f’materji baġitarji u dwar ġestjoni finanzjarja tajba, kif ukoll dwar riżorsi proprji ġodda, inkluż pjan direzzjonali lejn l-introduzzjoni ta’ riżorsi proprji ġodda (“FII tas-16 ta’ Diċembru 2020 ”) (1),

—

wara li kkunsidra r-riżoluzzjoni leġiżlattiva tiegħu tas-16 ta’ Settembru 2020 dwar l-abbozz ta’ deċiżjoni tal-Kunsill dwar is-sistema ta’ riżorsi proprji tal-Unjoni Ewropea (2),

—

wara li kkunsidra r-riżoluzzjoni leġiżlattiva tiegħu tat-23 ta’ Novembru 2022 dwar il-proposta għal deċiżjoni tal-Kunsill li temenda d-Deċiżjoni (UE, Euratom) 2020/2053 dwar is-sistema tar-riżorsi proprji tal-Unjoni Ewropea (COM(2021)0570 – C9-0034/2022 – 2021/0430(CNS)) (3),

—

wara li kkunsidra r-riżoluzzjoni tiegħu tal-10 ta’ Mejju 2023 dwar ir-riżorsi proprji: bidu ġdid għall-finanzi tal-UE, bidu ġdid għall-Ewropa (4),

—

wara li kkunsidra l-Artikolu 82 tar-Regoli ta’ Proċedura tiegħu,

—

wara li kkunsidra l-ittra tal-Kumitat għall-Affarijiet Kostituzzjonali,

—

wara li kkunsidra r-rapport tal-Kumitat għall-Baġits (A9-0295/2023),

1.

Japprova l-proposta tal-Kummissjoni kif emendata;

2.

Jistieden lill-Kummissjoni timmodifika l-proposta tagħha konsegwentement, skont l-Artikolu 293(2) tat-Trattat dwar il-Funzjonament tal-Unjoni Ewropea u l-Artikolu 106a tat-Trattat li jistabbilixxi l-Komunità Ewropea tal-Enerġija Atomika;

3.

Jistieden lill-Kunsill jinfurmah jekk ikollu l-ħsieb li jitbiegħed mit-test approvat mill-Parlament;

4.

Jitlob lill-Kunsill jerġa’ jikkonsultah jekk ikollu l-ħsieb li jemenda l-proposta tal-Kummissjoni b’mod sustanzjali;

5.

Jagħti istruzzjonijiet lill-President tiegħu biex tgħaddi l-pożizzjoni tal-Parlament lill-Kunsill, lill-Kummissjoni kif ukoll lill-parlamenti nazzjonali.

Emenda 1

Proposta għal deċiżjoni li temenda

Premessa 1a (ġdida)

Test propost mill-Kummissjoni

Emenda

 

(1a)

F’konformità mal-IIA tas-16 ta’ Diċembru 2020, din id-Deċiżjoni emendata tikkostitwixxi pass importanti ieħor, għall-implimentazzjoni ta’ pjan direzzjonali għall-introduzzjoni ta’ riżorsi proprji ġodda. Dan se jiżgura li d-dħul minn basket ta’ sorsi ġodda ta’ introjtu se jsir disponibbli u se jkun biżżejjed għall-ħlas tal-imgħax u tal-kapital tad-djun ta’ Next Generation EU u li l-implikazzjonijiet finanzjarji distributtivi tal-basket ikunu aċċettabbli għall-Istati Membri kollha.

Emenda 2

Proposta għal deċiżjoni li temenda

Premessa 2a (ġdida)

Test propost mill-Kummissjoni

Emenda

 

(2a)

Bir-rikavati mir-riżorsi proprji l-ġodda introdotti b’din id-deċiżjoni emendata, il-baġit tal-Unjoni jista’ jiġi ffinanzjat b’mod affidabbli fuq bażi fit-tul, u jakkomoda l-kostijiet tal-ħlas lura tal-Istrument tal-Unjoni Ewropea għall-Irkupru u l-prijoritajiet il-ġodda tal-Unjoni filwaqt li jevita t-tnaqqis ta’ programmi u politiki eżistenti tal-Unjoni.

Emenda 3

Proposta għal deċiżjoni li temenda

Premessa 2b (ġdida)

Test propost mill-Kummissjoni

Emenda

 

(2b)

L-implimentazzjoni tal-Pjan Direzzjonali fil-IIA tas-16 ta’ Diċembru 2020 jenħtieġ li tiġi kkompletata b’riformi futuri li jissostitwixxu s-soluzzjoni tranżizzjonali tal-kontribuzzjoni nazzjonali bbażata fuq l-istatistika dwar il-profitti korporattivi f’riżorsa proprja aktar ġenwina u bbażata fuq it-taxxa hekk kif id-direttivi meħtieġa jew l-oqfsa ta’ armonizzazzjoni madwar l-Unjoni dwar it-tassazzjoni korporattiva jkunu fis-seħħ.

Emenda 4

Proposta għal deċiżjoni li temenda

Premessa 10a (ġdida)

Test propost mill-Kummissjoni

Emenda

 

 

 

(10a)

Fl-isfond ta’ inflazzjoni għolja, it-tnaqqis temporanju ta’ somma f’daqqa għad-Danimarka, il-Ġermanja, in-Netherlands, l-Awstrija u l-Iżvezja, li minnu jibbenefikaw għall-perjodu 2020-2027, żdied b’mod mhux mistenni u sproporzjonat. Sabiex jiġu evitati aktar distorsjonijiet distributtivi, dawn is-somom f’daqqa jenħtieġ li jiġu aġġustati kull sena skont l-istess raġunament u regola bħal-limiti massimi tal-Qafas Finanzjarju Pluriennali, jiġifieri abbażi ta’ deflatur fiss ta’ 2 % fis-sena.

Emenda 5

Proposta għal deċiżjoni li temenda

Artikolu 1 – paragrafu 1 – punt 1ea (ġdid)

Deċiżjoni (UE, Euratom) 2020/2053

Artikolu 2 – paragrafu 4

Test fis-seħħ

Emenda

 

(ea)

il-paragrafu 4 huwa sostitwit b’dan li ġej:

4.   Għall-perjodu 2021-2027, l-Istati Membri li ġejjin għandhom jibbenefikaw minn tnaqqis gross fil-kontribuzzjonijiet tagħhom ibbażati fuq id-DNG skont il-punt (d) tal-paragrafu 1 ta’ EUR 565 miljun għall-Awstrija, EUR 377 miljun għad- Danimarka, EUR 3 671 miljun għall-Ġermanja, EUR 1 921 miljun għan-Netherlands u EUR 1 069 miljun għall-Iżvezja. Dawn l-ammonti għandhom jitkejlu skont il-prezzijiet tal-2020 u jiġu aġġustati għall-prezzijiet attwali bl-applikazzjoni tad-deflatur l-aktar reċenti tal-prodott domestiku gross għall-Unjoni, espress f’euro, kif previst mill-Kummissjoni, li jkun disponibbli meta jitfassal l-abbozz ta’ baġit . Dan it-tnaqqis gross għandu jiġi ffinanzjat mill-Istati Membri kollha.

“4.   Għall-perjodu 2021-2027, l-Istati Membri li ġejjin għandhom jibbenefikaw minn tnaqqis gross fil-kontribuzzjonijiet tagħhom ibbażati fuq id-DNG skont il-punt (d) tal-paragrafu 1 ta’ EUR 565 miljun għall-Awstrija, EUR 377 miljun għad- Danimarka, EUR 3 671 miljun għall-Ġermanja, EUR 1 921 miljun għan-Netherlands u EUR 1 069 miljun għall-Iżvezja. Dawk l-ammonti għandhom jitkejlu skont il-prezzijiet tal-2020 u jiġu aġġustati għall-prezzijiet attwali abbażi ta’ deflatur fiss ta’ 2 % fis-sena . Dan it-tnaqqis gross għandu jiġi ffinanzjat mill-Istati Membri kollha.”

(1)   ĠU L 433 I, 22.12.2020, p. 28.

(2)  Testi adottati, P9_TA(2020)0220.

(3)  Testi adottati, P9_TA(2022)0404.

(4)  Testi adottati, P9_TA(2023)0195.

ELI: http://data.europa.eu/eli/C/2024/2857/oj

ISSN 1977-0987 (electronic edition)

Top